ദേശീയ-സംസ്ഥാന ചലച്ചിത്ര അവാര്‍ഡ്‌ ജേതാവ്‌ സലീംകുമാര്‍ വിമാനത്തിനുള്ളില്‍ മദ്യപിച്ച്‌ ബഹളമുണ്ടാക്കി. ഇതേത്തുടര്‍ന്ന്‌ സലീംകുമാറിനെ വിമാനത്തില്‍ നിന്ന്‌ പുറത്താക്കി. ദുബായ്‌ വിമാനത്താവളത്തില്‍ വെച്ചാണ്‌ സംഭവം. ദുബായില്‍ ഒരു പരിപാടിയില്‍ പങ്കെടുത്ത ശേഷം സംസ്ഥാന ചലച്ചിത്ര പുരസ്‌ക്കാരം ഏറ്റുവാങ്ങാനായി കോഴിക്കോട്ടേയ്‌ക്ക്‌ വരാനാണ്‌ സലീംകുമാര്‍ വിമാനത്താവളത്തില്‍ എത്തിയത്‌. എന്നാല്‍ മദ്യലഹരിയിലായിരുന്ന സലിംകുമാര്‍ വിമാനത്തിനുള്ളില്‍ ബഹളം വെയ്‌ക്കുകയായിരുന്നു. വിമാനത്തിലെ ജീവനക്കാര്‍ രണ്ടുതവണ സലീംകുമാറിനെ താക്കീത്‌ ചെയ്‌തെങ്കിലും അദ്ദേഹം ബഹളം തുടരുകയായിരുന്നു. ഇതേത്തുടര്‍ന്നാണ്‌ സ്വകാര്യ എയര്‍ലൈന്‍ കമ്പനിയുടെ വിമാനത്തില്‍ നിന്ന്‌ സലീംകുമാറിനെ പുറത്താക്കിയത്‌. പിന്നീട്‌ മറ്റൊരു വിമാനത്തില്‍ നെടുമ്പാശേരിയിലെത്തിയ സലീംകുമാര്‍ റോഡ്‌ മാര്‍ഗമാണ്‌ കോഴിക്കോട്ടേക്ക്‌ തിരിച്ചത്‌. സംഭവത്തെക്കുറിച്ച്‌ പരാതിപ്പെടാന്‍ സലീംകുമാര്‍ തയ്യാറായില്ല എന്നതും ശ്രദ്ധേയമാണ്‌. ഇതിനിടെ വിമാനത്തിലെ ജീവനക്കാര്‍ക്കെതിരെ പരാതി നല്‍കാന്‍ ഒരുങ്ങിയ സ്‌പോണ്‍സര്‍മാരെ പിന്തിരിപ്പിച്ചതും സലീംകുമാറാണ്‌. സംഭവം ഗള്‍ഫിലെ ചില മലയാള മാധ്യമപ്രവര്‍ത്തകര്‍ മണത്തറിഞ്ഞെങ്കിലും സലീംകുമാറിന്റെ സുഹൃത്തുക്കള്‍ ഇടപെട്ട്‌ വാര്‍ത്തയാക്കാതിരിക്കാനുള്ള ശ്രമങ്ങള്‍ നടത്തിയിരുന്നു. എന്നാല്‍ ചില ന്യൂസ്‌ പോര്‍ട്ടലുകളില്‍ വാര്‍ത്തയായതോടെ സംഗതി വിവാദമായിരിക്കുകയാണ്‌.
No comments:
Post a Comment