ദേശീയ അവാര്‍ഡ്‌ ജേതാവ്‌ ധനുഷ്‌ ആലപിച്ച 'വൈ ദിസ്‌ കൊലവെറി ഡി' എന്ന ഗാനം ഇന്റര്‍നെറ്റില്‍ സൂപ്പര്‍ ഹിറ്റാകുന്നു. തമിഴും ഇംഗ്‌ളീഷും ചേര്‍ന്ന തംഗ്‌ളീഷിലുള്ള ഈ ഗാനം നവംബര്‍ 16നാണ്‌ പുറത്തിറക്കിയത്‌. എന്നാല്‍ ചുരുങ്ങിയ ദിവസങ്ങള്‍കൊണ്ട്‌ ലക്ഷകണക്കിന്‌ പേരാണ്‌ യൂട്യൂബ്‌ വഴിയും മറ്റും ഇന്റര്‍നെറ്റിലൂടെ ഈ ഗാനം ആസ്വദിക്കുന്നത്‌. ഓരോ ദിവസം കഴിയുന്തോറും ഈ ഗാനം കൂടുതല്‍ കൂടുതല്‍ ഹിറ്റാകുകയാണ്‌. ഇപ്പോള്‍ യൂട്യൂബിലും മറ്റ്‌ സോഷ്യല്‍ നെറ്റ്‌വര്‍ക്കിംഗ്‌ സൈറ്റുകളിലും ഒരു തരംഗമായി 'കൊലവെറി ഡി' മാറിയിരിക്കുകയാണ്‌.
ധനുഷിനെ നായകനാക്കി അദ്ദേഹത്തിന്റെ ഭാര്യ ഐശ്വര്യ രജനികാന്ത്‌ ഒരുക്കുന്ന '3' എന്ന ചിത്രത്തിന്‌ വേണ്ടിയാണ്‌ ധനുഷ്‌ ഈ ഗാനം ആലപിച്ചിരിക്കുന്നത്‌. ഒരു സ്‌റ്റുഡിയോയില്‍ സംഗീതസംവിധായകന്‍ അനിരുദ്ധ്‌, ഭാര്യ ഐശ്വര്യ, ചിത്രത്തിലെ നായിക ശ്രുതി ഹാസന്‍ എന്നിവരുടെ സാന്നിദ്ധ്യത്തില്‍ ധനുഷ്‌ ഈ ഗാനം ആലപിക്കുന്ന വീഡിയോയാണ്‌ ഇന്റര്‍നെറ്റില്‍ തരംഗമായി മാറിയിരിക്കുന്നത്‌. ആദ്യ 24 മണിക്കൂറിനുള്ളില്‍ 83000 പേരാണ്‌ ഈ ഗാനം യൂട്യൂബ്‌ വഴി കണ്ടത്‌. ട്വിറ്ററിലും ഈ ഗാനം സൂപ്പര്‍ഹിറ്റായി. നവംബര്‍ 21ന്‌ ട്വിറ്ററിലെ ഇന്ത്യന്‍ ട്രെന്‍ഡില്‍ ഒന്നാമതായിരുന്നു ഈ ഗാനം.
കൊലവെറി ഡി ഗാനം തുടങ്ങുന്നത്‌ ഇങ്ങനെയാണ്‌,
യോ ബോയ്‌സ്‌, ഐ ആം സിംങ്‌ സോംങ്‌,
സൂപ്പ്‌ സോംങ്‌,
ഫ്‌ളോപ്പ്‌ സോംങ്‌,
വൈ ദിസ്‌ കൊലവെറി, കൊലവെറി, കൊലവെറി ഡി,
വൈ ദിസ്‌ കൊലവെറി, കൊലവെറി, കൊലവെറി ഡി.
റിഥം കറക്‌ട്‌,
വൈ ദിസ്‌ കൊലവെറി, കൊലവെറി, കൊലവെറി ഡി,
മെയിന്റയിന്‍ ദിസ്‌,
വൈ ദിസ്‌ കൊലവെറി, കൊലവെറി, കൊലവെറി ഡി
No comments:
Post a Comment