പുതിയ മുഖം എന്ന ചിത്രത്തിന്‌ ശേഷം പൃഥ്വിരാജിനെ നായകനാക്കി ദീപന്‍ ഒരുക്കുന്ന ചിത്രമാണ്‌ ഹീറോ. ഹീറോയില്‍ നായികയാകുമെന്ന്‌ പ്രഖ്യാപിച്ചിരുന്ന തൃഷ പൊടുന്നനെ ചിത്രത്തില്‍ നിന്ന്‌ പിന്‍മാറി. തെലുങ്ക്‌, കന്നഡ ചിത്രങ്ങളിലെ തിരക്കിട്ട ഷെഡ്യൂള്‍ കാരണമാണ്‌ താന്‍ പിന്‍മാറുന്നതെന്ന്‌ തൃഷ, സംവിധായകന്‍ ദീപനെ അറിയിച്ചു. പകരം ശ്രേയ സരണ്‍ നായികയായി എത്തുമെന്നാണ്‌ റിപ്പോര്‍ട്ട്‌. അങ്ങനെയെങ്കില്‍ പോക്കിരിരാജയ്‌ക്ക്‌ ശേഷം പൃഥ്വിരാജ്‌-ശ്രേയ കൂട്ടുകെട്ട്‌ ഒന്നിക്കുന്ന ചിത്രമായിരിക്കും ഹീറോ. തമിഴില്‍ ഏറെ ശ്രദ്ധേയയായ തൃഷ, ഹീറോ എന്ന ചിത്രത്തിലൂടെ മലയാളത്തില്‍ അരങ്ങേറ്റം കുറിക്കുമെന്നാണ്‌ ആരാധകര്‍ പ്രതീക്ഷിച്ചിരുന്നത്‌. എന്നാല്‍ തൃഷയുടെ മലയാളം അരങ്ങേറ്റത്തിനായി ആരാധകര്‍ ഇനിയും കാത്തിരിക്കേണ്ടി വരും. പൃഥ്വിരാജ്‌, ശ്രേയ സരണ്‍ എന്നിവര്‍ക്ക്‌ പുറമെ നെടുമുടി വേണു, തലൈവാസല്‍ വിജയ്‌, ഗിന്നസ്‌ പക്രു, അനില്‍ മുരളി എന്നിവരും ഹീറോയില്‍ അഭിനയിക്കുന്നുണ്ട്‌. അടുത്തവര്‍ഷമാദ്യം ആയിരിക്കും ചിത്രീകരണം ആരംഭിക്കുക.
No comments:
Post a Comment