ഏഷ്യാനെറ്റിലെ മഞ്ച്‌ സ്‌റ്റാര്‍ സിംഗര്‍ ഗ്രാന്‍ഡ്‌ ഫിനാലെ വേദിയില്‍ ടിവി അവതാരകര ഞ്‌ജിനി നടന്‍ ജഗതി ശ്രീകുമാര്‍ രൂക്ഷമായി വിമര്‍ശിച്ചത്‌ മലയാളികള്‍ക്കിടയില്‍ വന്‍ ചര്‍ച്ചയായി മാറിയിരുന്നു. ഇതേത്തുടര്‍ന്ന്‌ ജഗതിയെ വിമര്‍ശിച്ച്‌ ഡെക്കാന്‍ ക്രോണിക്കിളില്‍ രഞ്‌ജിനി എഴുതിയ ലേഖനവും ഏറെ ചര്‍ച്ച ചെയ്യപ്പെട്ടിരുന്നു. ഈ സംഭവം മലയാളികള്‍ മറന്നുതുടങ്ങിയപ്പോള്‍ ജഗതിയ്‌ക്കെതിരെ രഞ്‌ജിനി വീണ്ടും രംഗത്തെത്തിയിരിക്കുന്നു.
അന്ന്‌ മൂക്കറ്റം മദ്യപിച്ചിട്ടാണ്‌ തന്നെ ആക്ഷേപിച്ചത്‌ എന്നാണ്‌ രഞ്‌ജിനി ഹരിദാസ്‌ ഇപ്പോള്‍ പറയുന്നത്‌. ഒരു പ്രസിദ്ധീകരണത്തിന്‌ നല്‍കിയ അഭിമുഖത്തിലാണ്‌ രഞ്‌ജിനി ഇങ്ങനെ പറയുന്നത്‌. വ്യക്‌തിപരമായാണ്‌ അദ്ദേഹം തന്നെ ആക്ഷേപിച്ചത്‌. അദ്ദേഹത്തെപ്പോലെ പൈസയ്‌ക്ക്‌ വേണ്ടി ജോലി ചെയ്യുന്നയാളാണ്‌ താനും. ഒരു നടനെന്ന നിലയില്‍ അദ്ദേഹത്തോട്‌ ബഹുമാനമുണ്ടായിരുന്നു. എന്നാല്‍ അന്ന്‌ മദ്യപിച്ച്‌ വന്ന്‌ പറയാന്‍ പാടില്ലാത്തതായിരുന്നു അദ്ദേഹം പറഞ്ഞതെന്നും രഞ്‌ജിനി പറയുന്നു.
പ്രേക്ഷകരുടെ നല്ല വിമര്‍ശനങ്ങള്‍ താന്‍ ഉള്‍ക്കൊള്ളാറുണ്ടെന്നും രഞ്‌ജിനി ഹരിദാസ്‌ പറഞ്ഞു. തുടക്കത്തില്‍ തന്റെ സംസാരം തനി മംഗ്‌ളീഷായിരുന്നു. എന്നാല്‍ ഇന്ന്‌ അത്‌ വളരെയേറെ മാറിയിട്ടുണ്ട്‌. ആരെയും അനുകരിക്കാന്‍ ഇഷ്‌ടപ്പെടുന്നില്ല. കഴിഞ്ഞ ഐഡിയ സ്‌റ്റാര്‍ സിംഗര്‍ ഫൈനല്‍ വേദിയില്‍ ഗൗണ്‍ അണിഞ്ഞെത്തിയത്‌ കുറെ വിവാദമുണ്ടാക്കിയിരുന്നു. എന്നാല്‍ അതിനുശേഷം വസ്‌ത്രധാരണത്തിലും കുറെ മാറ്റങ്ങള്‍ വരുത്തിയിട്ടുണ്ട്‌. നല്ല ഉദ്ദേശത്തോടെയുള്ള വിമര്‍ശനങ്ങള്‍ താന്‍ ഉള്‍ക്കൊള്ളാറുണ്ടെന്നും രഞ്‌ജിനി പറഞ്ഞു. പൂര്‍ണമായും തന്നെ മനസിലാക്കുന്നയാളെ മാത്രമെ വിവാഹം കഴിക്കുകയുള്ളുവെന്നും രഞ്‌ജിനി അഭിമുഖത്തില്‍ പറഞ്ഞു. തന്റെ സ്വഭാവം മറ്റൊരാള്‍ക്ക്‌ വേണ്ടി കോംപ്രമൈസ്‌ ചെയ്യാന്‍ ഇഷ്‌ടമില്ല. അതുകൊണ്ടുതന്നെ തന്റെ രീതികളുമായി പൊരുത്തപ്പെടുന്നയാളെ മാത്രമെ വിവാഹം കഴിക്കുകയുള്ളുവെന്നും രഞ്‌ജിനി വ്യക്‌തമാക്കുന്നു. തന്നെ സ്‌നേഹിക്കുന്നയാള്‍ക്ക്‌ തന്റെ പെറ്റ്‌ ഡോഗിനെയും സ്‌നേഹിക്കാന്‍ കഴിയണമെന്നും അവര്‍ പറഞ്ഞു.
ഇക്കഴിഞ്ഞ idea star singer വേദിയിലാണ്‌ രഞ്‌ജിനിയെ ജഗതി രൂക്ഷമായി വിമര്‍ശിച്ചത്‌. അവതാരക പലപ്പോഴും വിധികര്‍ത്താവ്‌ ചമയുന്നുണ്ടെന്നായിരുന്നു അന്ന്‌ ജഗതി പറഞ്ഞത്‌. രഞ്‌ജിനിയുടെ ഭാഷാപ്രയോഗങ്ങളും ആക്ഷനുകളും അനുകരിച്ച്‌ കാട്ടിയ ജഗതി, രഞ്‌ജിനിയെ ശരിക്കും കളിയാക്കി. അതോടൊപ്പം ഐഡിയ സ്‌റ്റാര്‍ സിംഗര്‍ വിധികര്‍ത്താക്കളെയും ജഗതി വിമര്‍ശിച്ചിരുന്നു. എല്ലാം കേട്ട്‌ നിസാഹയയായി നിന്ന രഞ്‌ജിനി ഒടുവില്‍ മൈക്ക്‌ വാങ്ങി, ഇത്‌ രഞ്‌ജിനി ദിനമായി പ്രഖ്യാപിക്കാമെന്നും താനിത്‌ ചോദിച്ചുവാങ്ങിയതാണെന്നുമാണ്‌ പ്രതികരിച്ചത്‌. തന്നെ വിമര്‍ശിച്ച്‌ ആളാകാന്‍ നോക്കുകയായിരുന്നു ജഗതി എന്നാണ്‌ ഡെക്കാണ്‍ ക്രോണിക്കിളിലെ ലേഖനത്തിലൂടെ രഞ്‌ജിനി തിരിച്ചടിച്ചത്‌. അഭിപ്രായ സ്വാതന്ത്ര്യം ദുരുപയോഗം ചെയ്‌തുകൊണ്ട്‌ പൊതുജനങ്ങളുടെ മുന്നില്‍ ഒരു സ്‌ത്രീയായ തന്നെ അപമാനിക്കുകയായിരുന്നു ജഗതിയെന്നും ലേഖനത്തിലൂടെ രഞ്‌ജിനി പറഞ്ഞിരുന്നു.
enthanelum paranjathu sathyamalle..!
ReplyDelete