കൃഷ്‌ണനും രാധയും എന്ന ചിത്രത്തിലൂടെ മലയാളക്കരയാകെ നിറഞ്ഞുനില്‍ക്കുന്ന സന്തോഷ്‌ പണ്ഡിറ്റിന്റെ പുതിയ ആഗ്രഹങ്ങള്‍ എന്തൊക്കെയാണെന്ന്‌ അറിയാമോ? താരസംഘടനയായ അമ്മയില്‍ അംഗത്വം വേണം, തീര്‍ന്നില്ല, സൂപ്പര്‍താരം മോഹന്‍ലാലിന്റെ ഡേറ്റും കൂടി കിട്ടിയാല്‍ കൊള്ളാമായിരുന്നു. അമ്മ ഭാരവാഹിയായ ഇടവേള ബാബുവിനെ ഫോണില്‍ വിളിച്ചാണ്‌ സംഘടനയില്‍ അംഗത്വം വേണമെന്ന്‌ പണ്ഡിറ്റ്‌ ആവശ്യപ്പെട്ടത്‌.
എന്നാല്‍ ആവശ്യം കേട്ടതല്ലാതെ ഒരു മറുപടി നല്‍കാന്‍ ബാബു തയ്യാറായില്ല. ഒടുവില്‍ ഫോണ്‍ സംസാരം അവസാനിപ്പിക്കാന്‍ നോക്കിയപ്പോള്‍ ഉടന്‍ വന്നു അടുത്ത ആവശ്യം, എങ്ങനെയെങ്കിലും മോഹന്‍ലാലിന്റെ ഡേറ്റ്‌ സംഘടിപ്പിച്ച്‌ കൊടുക്കണമത്രെ. സൂര്യ ടിവിയിലെ ഒരു അഭിമുഖ പരിപാടിയില്‍ പങ്കെടുക്കവെ, ഇടവേള ബാബു തന്നെയാണ്‌ ഇക്കാര്യങ്ങള്‍ വെളിപ്പെടുത്തിയത്‌ സന്തോഷ്‌ പണ്ഡിറ്റിന്റെ ആഗ്രഹം താന്‍ മോഹന്‍ലാലിനെ അറിയിച്ചതായും ഇടവേള ബാബു പറയുന്നു. എന്നാല്‍ ഇതിനോട്‌ മോഹന്‍ലാല്‍ എങ്ങനെ പ്രതികരിച്ചുവെന്ന്‌ വെളിപ്പെടുത്താന്‍ ബാബു തയ്യാറായില്ല. ഏതായാലും സന്തോഷ്‌ പണ്ഡിറ്റിന്‌, മോഹന്‍ലാല്‍ ഡേറ്റ്‌ നല്‍കുമോയെന്ന്‌ അറിയാന്‍ ആകാക്ഷയോടെ കാത്തിരിക്കുകയാണ്‌ ചലച്ചിത്രപ്രേമികള്‍.
No comments:
Post a Comment