കഴിഞ്ഞദിവസം സന്തോഷ്‌ പണ്ഡിറ്റിന്റെ ഒരു അഭിമുഖം കണ്ടപ്പോള്‍ മൂക്കത്ത്‌ വിരല്‍വെച്ചുപോയി. അതില്‍ ആ വിദ്വാന്‍ പറഞ്ഞത്‌ എന്തൊക്കെയാണെന്നോ, പ്രണയാഭ്യര്‍ത്ഥനയുമായി ധാരാളം പെണ്‍കുട്ടികള്‍ വിളിക്കാറുണ്ടത്രെ. എന്നാല്‍ അതിലൊന്നും വീഴാന്‍ തന്നെ കിട്ടില്ലെന്നാണ്‌ സന്തോഷ്‌ പണ്ഡിറ്റ്‌ പറയുന്നത്‌. 'നമ്മള്‍ ഒന്നിനോട്‌ ഒട്ടിക്കഴിഞ്ഞാല്‍ കാര്യം പോക്കാണ്‌. ദിവസവും കൃത്യസമയം വെച്ച്‌ വിളിക്കുന്ന ആരാധികമാരോട്‌ പോലും ഞാന്‍ സിനിമാ കാര്യങ്ങള്‍ മാത്രമേ സംസാരിക്കാറുള്ളു-ഇങ്ങനെ പോകുന്നു പണ്ഡിറ്റിന്റെ നിലപാട്‌.
ഇക്കാര്യത്തില്‍ അമ്മയുടെ വാക്കുകളാണത്രേ തുണയായി മാറിയതെന്നും സന്തോഷ്‌ വെച്ചു കാച്ചുന്നുണ്ട്‌. 'മോനെ നെലയ്‌ക്കു നിന്നാല്‍ വെലയ്‌ക്കു പോകും. നമ്മള്‍ സ്‌ത്രീകളെ അമ്മ അല്ലെങ്കില്‍ മോളെ എന്നു മാത്രമേ വിളിക്കാവൂ എന്നാണ്‌ അമ്മ നല്‍കിയ ഉപദേശം. സംവിധായകനായ താന്‍ എന്‍ജോയ്‌ ചെയ്യാന്‍ ശ്രമിക്കാറില്‌ള. കാരണം നായികമാരുമായി ഇഴുകി ചേര്‍ന്ന്‌ അഭിനയിക്കുമ്പോള്‍ താന്‍ എന്‍ജോയ്‌ ചെയ്യാന്‍ ശ്രമിച്ചാല്‍ കൂടെയുള്ളവരും ശ്രമിക്കും. പിന്നെ നായികമാര്‍ നമ്മെ വകവയ്‌ക്കില്ലെന്നുമാണ്‌ പണ്ഡിറ്റ്‌ പറയുന്നത്‌. എത്രയോ കുട്ടികള്‍ ഒരു ദിവസം വിളിക്കുന്നു. ഇവരുടെ പേരുകള്‍ പോലും താന്‍ ഓര്‍ക്കാറില്ല. ചില പെണ്‍കുട്ടികള്‍ പതിവായി വിളിക്കാറുണ്ട്‌. അതിലൊരു പെണ്‍കുട്ടി ഒരു ദിവസം വിളിച്ചില്ല. അടുത്ത ദിവസം വിളിച്ച്‌ താന്‍ വിളിക്കാതിരുന്നപ്പോള്‍ സന്തോഷേട്ടന് എന്തു തോന്നി എന്നാണ്‌. സന്തോഷേട്ടന് തിരിച്ചുവിളിക്കുമെന്നാണ്‌ കരുതിയതെന്നും ആ കുട്ടി പറഞ്ഞു. താന്‍ അതൊന്നും അത്ര കാര്യമാക്കാറില്ലെന്നും സന്തോഷ്‌ പണ്ഡിറ്റ്‌ പറയുന്നു.
No comments:
Post a Comment